Sunday, 11 June 2006

全民世界盃

香港人愛湊熱鬧, 傳媒又愛推波助瀾, 世界盃的全城效應是意料中事; 尤其是英格蘭的第一場比賽對巴拉圭碰巧是星期六"早場"9點閞波, 不少一家大細到就近有大電視的商場睇波; 小朋友說「英格雷對巴西龜好好睇」, 婆婆說「好熱鬧, 好好睇, 星格蘭對呼拉圭吖嘛」,是近日最溫馨「窩心」的新聞畫面. 賽果是靠對方一記烏龍球, 英格蘭謹勝一比零, 作為球迷對此隊被號稱近四十載最有機會捧盃的國家隊表現絕不滿意, 完全欠缺說服力, 難為有線的「專業足球評術員」由開場誇讚至完場, 「攻守兼備」「英格蘭踢得太好」...... 大概是明知9成9是英格蘭fans, 讚多幾句一定唔會出事大家又歡喜.

相片攝於沙田新城市廣場, 商場中央放了兩個足球形狀的房間給人拍照; 一個是男孩子的房間放滿有關足球的東西; 女孩子那一個則放滿小熊公仔, 跟足球有關的只有一幅中田英壽的照片和一面英國國旗.


1 comment:

小李飛紙 said...

英格蘭留力啦我覺得
下半場換晒d人咁...
(-->偏心)
贏就真係贏得幾無聊架啦~